فقرو فاقہ سے نجات حاصل کرنے کے لیے یہ تسبیح بہت مفید اور مؤثر ہے اس تسبیح کو صبح نماز فجر سے پہلے ایک سو بار پڑھیں۔ اول و آخر گیارہ گیارہ بار درود شریف ضرور پڑھیں۔ :۔سُبْحَانَ اللہِ وَبِحَمْدِہٖ سُبْحَانَ اللہِ الْعَظِیْمِ
مشکلات کے حل کیلئے سورۂ فاتحہ کا عمل
ہر قسم کی مشکلات کو آسان کرنے اور ہر قسم کی رکاوٹوں کو دور کرنے کیلئے سورۂ فاتحہ کا عجیب و غریب عمل ہے۔ اس عمل کو نیا چاند دیکھنے کےبعد شروع کرے۔ انشاء اللہ تعالیٰ اس عمل کی برکت سے جملہ مسائل حل ہوں گے‘ مشکلات اور رکاوٹیں دور ہوں گی اور ہر کام میں کامیابی حاصل ہوگی۔ عمل یہ ہے:۔ یہ عمل صبح فجر کی نماز کی سنتوں اور فرض نماز کے درمیان پڑھا جائے گا۔ فجر کی دو سنت پڑھ کر گیارہ بار درود شریف پڑھیں اس کے بعد بسم اللہ کی میم کو الحمد کے ل سے ملا کر تین بار اس کو پڑھیں اس طرح:۔ بِسْمِ اللہِ الرَّحْمٰنِ الرَّحِیْمِ الْحَمْدُ لِلہِ رَبِّ الْعٰلَمِیْنَ بِسْمِ اللہِ الرَّحْمٰنِ الرَّحِیْمِ الْحَمْدُ لِلہِ رَبِّ الْعٰلَمِیْنَ بِسْمِ اللہِ الرَّحْمٰنِ الرَّحِیْمِ الْحَمْدُ لِلہِ رَبِّ الْعٰلَمِیْنَ اس کے بعد تین بار آمین کہیں اس کے بعد پوری سورت اس طرح اکتالیس بار پڑھ کر تعداد پوری کریں پھر گیارہ بار درود شریف پڑھیں اور اپنے مقصد کی یا مشکل کی آسانی کیلئے دعا مانگیں۔ اس کے بعد فجر کے دو فرض پڑھیں۔ اکتالیس روز کا عمل ہے۔ اس عمل کی برکت سے انشاء اللہ تعالیٰ ہر مشکل آسان ہوگی۔ کوئی بندش ہوگی تو کُھل جائے گی۔ یہ عمل کسی بھی حاجت اور ضرورت کیلئے پڑھاجاسکتا ہے مثلاً ملازمت کیلئے‘ شادی کیلئے‘ کاروبار میں ترقی کیلئے۔
شادی کے لیے
اکثر لڑکے لڑکیوں کے رشتے طے ہوکر ٹوٹ جاتے ہیں کہیں بات بن کر بگڑ جاتی ہے کہیں رشتے تو بہت آتے ہیں لیکن پلٹ کر واپس نہیں آتے۔ یہ عمل شادی کیلئے بہت مؤثر اور کارآمد ہے۔ اس عمل کی برکت سے انشاء اللہ تعالیٰ جلد ہی رشتہ ہوجائے گا۔ وہ عمل یہ ہے:۔ بدھ کے دن سورۂ یوسف بعد نماز ظہر تلاوت کریں اور بعد نماز عصر کے سورۂ احزاب کی تلاوت کریں۔ لگاتار چالیس دن یہ عمل کریں گویا پانچ بدھ تک یہ عمل جاری رکھیں۔ اللہ تعالیٰ کے حکم سے کسی بھی جگہ رشتے کی بات بن جائے گی۔
جریان اور پیشاب کےقطرے کی بیماری
اکثر نوجوانوں کو پیشاب کے قطرے گرنے کی بیماری ہوجاتی ہے جو بڑھاپے میں زیادہ پریشان کُن ہوجاتی ہے۔ اس کاعلاج یہ ہے ایک بوتل میں پانی بھر کر باوضو اول سات بار درود شریف پڑھیں۔ اس کے بعد تین بار سورۂ حجرات پڑھیں۔ پھر اس پانی کو رات کو سونے سے پہلے پی لیا کریں۔ لگاتار چالیس دن تک یہ پانی پیتے رہیں اور ان چالیس دنوں میں روزانہ عصر کی نماز کے بعد اول سات بار درود شریف پڑھیں پھر ایک سو بار یہ آیت شریف پڑھیں رَبَّنَآ اَتْمِمْ لَنَا نُوْرَنَا وَ اغْفِرْ لَنَا اِنَّکَ عَلٰی کُلِّ شَیْءٍ قَدِیْرٌ﴿التحریم۸﴾ پھر آخر میں سات بار درودشریف پڑھیں۔ انشاء اللہ تعالیٰ جریان کی بیماری سے نجات ملے گی اور پیشاب کے قطرے آنے بند ہوں گے۔
فقرو فاقہ دور کرنے کا عمل
فقرو فاقہ سے نجات حاصل کرنے کے لیے یہ تسبیح بہت مفید اور مؤثر ہے اس تسبیح کو صبح نماز فجر سے پہلے ایک سو بار پڑھیں۔ اول و آخر گیارہ گیارہ بار درود شریف ضرور پڑھیں۔ :۔سُبْحَانَ اللہِ وَبِحَمْدِہٖ سُبْحَانَ اللہِ الْعَظِیْم
بڑھاپے میں ہذیان کا مرض
بڑھاپے میں بعض لوگوں کا دماغی توازن بگڑ جاتا ہے جس کے سبب وہ ہر وقت فضول بکتے رہتے ہیں۔ بعض مرتبہ گالیاں بکنا شروع کردیتے ہیں اور بعض مرتبہ پاگل پن میں لوگوں سے لڑنے لگتے ہیں اور ان کے کپڑے پھاڑ دیتے ہیں یا لوگوں کو پتھر مارتے ہیں اس طرح گھر والے ہروقت پریشان اور مصیبت میں گرفتار رہتے ہیں۔ اس کا آسان علاج یہ ہے کہ رات کو جب مریض سو جائے تو باوضو پانچ سو بار یَامُقِیْتُ پڑھ کر مریض پر دم کریں اور ایک گلاس پانی پر باوضو ایک سو بار یہ کلمات پڑھ کر دم کریں اور مریض کو پلائیں۔ انشاء اللہ تعالیٰ مریض کی ہذیانی کیفیت ختم ہوجائے گی۔ وہ کلمات یہ ہیں:۔ بِسْمِ اللہِ الَّذِیْ لَا اِلٰہَ اِلَّاہُوَ الرَّحْمٰنُ الرَّحِیْمِ
کھانسی‘ خسرہ‘ ام الصبیان‘ مرگی‘ نظربد کا علاج
چرخے سے کاتاہوا سُوت لے کر اسے لال رنگ میں رنگ لیا جائے یا ڈی، ایم سی سُرخ رنگ کی لے کر اس کے نو تار تین بالشت لمبے لے لیں اور سورۂ الم نشرح پڑھنا شروع کریں جب ’’ک‘‘ کا لفظ آئے اس نو تاروں کے گنڈے میں ایک گرہ لگادیں۔ اس طرح آٹھ گرہ لگیں گی کیونکہ الم نشرح میں آٹھ کاف (ک) ہیں۔
اولاد کی نافرمانی اور شرارت سے حفاظت
اولاد اگر نافرمان ہو تو گھر کا سارا نظام بگڑ جاتا ہے۔ اسی طرح نافرمانی کے ساتھ ساتھ شرارت بھی شامل ہوجائے تو ایسی اولاد والدین کے لیے عذاب بن جاتی ہے۔ ایسے بچے جب سوجائیں تو باوضو یہ آیت بِسْمِ اللہِ الرَّحْمٰنِ الرَّحِیْمِ پڑھ کر تین بار دائیں کان میں دم کریں اور اسی طرح تین بار پڑھ کر بائیں کان میں دم کریں۔ چند دن یہ عمل کرنے سے انشاء اللہ تعالیٰ اولاد فرماں بردار اور نیک عادت بن جائے گی اور شرارت چھوڑ کر اچھے اچھے کام کرے گی۔ وہ آیت یہ ہے:۔
اکثر نوجوانوں کو احتلام کا مرض ہوجاتا ہے اور وہ اس کے سبب بہت کمزور ہوجاتے ہیں اور نماز پڑھنے میں بھی دشواری ہوتی ہے۔ اس کا علاج یہ ہے کہ جب سونے کا ارادہ کریں تو تازہ وضو کریں۔ بستر پر لیٹ کر سورۂ طارق مکمل پڑھیں اور دائیں (سیدھے) ہاتھ کی شہادت کی انگلی (کلمے کی انگلی) سے بغیر روشنائی اپنی پیشانی (ماتھے) پر عمر کا لفظ لکھیں۔ اس عمل کی برکت سے انشاء اللہ تعالیٰ احتلام سے نجات ملے گی۔ یہ عمل چالیس دن کریں تو بہت بہتر ہے۔ ورنہ جس دن یہ عمل کریں گے۔ احتلام سے انشاء اللہ تعالیٰ محفوظ رہیں گے۔
حضرت حکیم محمد طارق محمود مجذوبی چغتائی (دامت برکاتہم) فاضل طب و جراحت ہیں اور پاکستان کونسل سے رجسٹرڈ پریکٹیشنز ہیں۔حضرت (دامت برکاتہم) ماہنامہ عبقری کے ایڈیٹر اور طب نبوی اور جدید سائنس‘ روحانیت‘ صوفی ازم پر تقریباً 250 سے زائد کتابوں کے محقق اور مصنف ہیں۔ ان کی کتب اور تالیفات کا ترجمہ کئی زبانوں میں ہوچکا ہے۔ حضرت (دامت برکاتہم) آقا سرور کونین ﷺ کی پُرامن شریعت اور مسنون اعمال سے مزین، راحت والی زندگی کا پیغام اُمت کو دے رہے ہیں۔
مزید پڑھیں
